Asistente treinadór AD SLB, Olandino Alves (faru mean hosi liman loos) no jogadór SLB, José Fonseca (liman karuk). Imajen Tatoli/Hortençio Sanchez

DILI, 6 jullu 2019 (TATOLI)—Aban (7/7), jogu kontinuasaun Primeira Divizaun Liga Futeból Amadora (LFA) époka 2019 ne’ebé sei hala’o iha Estádiu Munisipál Dili, AD. SLB Laulara oprimista manán Lalenok United FC ho golu 1-0.

“Ami SLB preparadu hasoru jogu aban ne’e. Ami-nia mehi mak tenke manán hodi hadau pontu tolu, maibé buat hotu fila fali ba minutu 90 mak sei determina. Alvu ami nian aban ami tenke manán 1-0,” Asistente Treinadór AD SLB Laulara, Olandino Alves dehan liuhosi konferénsia imprensa ne’ebé hala’o iha edifísiu LFA, Bairru Formosa, Dili,  ohin.

Maski Lalenok ekipa ida ne’ebé forte ho jogadór maioria kualidade maibé Olandino iha nafatin konfiansa ne’ebé maka’as ba nia jogadór sira.

“Lalenok ekipa ida ne’ebé forte tanba jogadór didi’ak de’it, fatin treinu di’ak, buat hotu kompletu maibé ha’u konfia iha ha’u nia jogadór,”  nia tenik.

Entretantu, treinadór Lalenok la fó komentáriu tanba la marka prezensa iha konferénsia imprensa. Maski nune’e, Agência Tatoli tenta konfirma via WhatsApp maibé treinadór ne’e rasik la atende hodi fó komentáriu.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here