Mise Ministru MNEK, Julião da Silva. Imajen Tatoli/Egas Cristovão

DILI, 22 outubru 2020 (TATOLI) – Vise Ministru Negósiu Estranjeiru no Kooperasaun (MNEK), Julião da Silva, informa, Primeiru-Ministru (PM), Taur Matan Ruak, orienta ona MNEK no Ministériu Finansas (MF) atu buka dalan hodi solusiona estudante timoroan sira iha estranjeiru bele fila mai Timor – Leste.

Notísia Relevante : Estudante timoroan iha Filipina aluga rasik aviaun atu fila-mai Timor-Leste

“Estudante sira iha Filipina no Israel sira aprezenta ona proposta mai Primeiru-Ministru orienta ona Ministériu Negósiu Estranjeiru no Kooperasaun, Ministériu Finansas ho ministériu relevante sira seluk atu diskute oinsá bele solusiona ida ne’e, nune’e bele lori ita nia estudante hirak ne’e fila,” Julião  da Silva informa ba Jornalista sira iha edifísiu MF, Dili, kinta ne’e.

Nia informa tan, estudante hosi nasaun rua hamutuk 200 resin, maibé seidauk inklui ho sidadaun baibain ne’ebé antes ne’e iha hela estranjeiru hakarak fila governu sei fasilita.

“Ami hein nafatin atu rekolla informasaun hosi li’ur para bele rezolve no buka solusaun. Kona-ba sira fila bainhira ne’e, ita seidauk iha data serteza kuandu klaru ona ami sei fó sai,” nia hateten.

Notísia Relevante : PN husu MNEK lori-fila estudante timoroan na’in-72 iha Israel

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here