Eskola Ensinu Sekundária Tékniku Vokasionál (ESTV)-Eskola Ekonomia no Komérsiu Becora (EEC-sigla portugés). Foto espesiál

DILI, 19 outubro 2020 (TATOLI)— Estudante na’in 99 hosi eskola Téknica Vokasionál Indústria Tecnologia (TECVOC-IT) 28 novembru Becora, iha segunda  ne’e, partisipa ona Prova de Aptidão Profissionál (PAP).

Estudante na’in  99 ne’e, na’in 12 maihosi Departamentu Artigráfika, Informátika na’in 47, Eletrisidade na’in 19 no elektrónika na’in 21.

Notísia Relevante :ESTV-GTI Realiza Uluk PAP Molok Ezame Nasionál

Diretór eskola, Pedro da Silva Ximenes,  hateten PAP ne’e kulturalmente tama ona iha kurríkulu ne’ebé estabelese ba programa ensinu sekundáriu  tékniku vokasionál sira nian, nune’e estudante désimu segundu anu molok hasoru ezame nasionál tenki hetan uluk PAP.

“PAP ne’e mak ita bele sukat kapasidade estudante sira nian liliu kona-ba prátika durante tinan tolu sira aprende iha eskola ida ne’e, progresu atu hakat ba oin ninia finalidade iha  PAP. Bainhira  sira-nia valór ladi’ak iha PAP, maibé iha ezame nasionál sira hetan valór di’ak konsidera la passa no sira sei lakon diretu hodi hakat ba ensinu superiór,” Pedro da Silva dehan ba jornalista sira iha Becora, segunda ne’e.

Nia husu ba estudante finalista sira atu prepara aan didi’ak hodi sai ema ne’ebé profissionál liuhosi hakle’an kreatividade no abilidade atu bainhira sai husi fatin ne’e, bele halo netik buat ruma ne’ebé di’ak liu iha ensinu superiór.

“Ha’u fiar katak estudante ne’ebé sai hosi eskola ne’e iha koñesimentu sufisiente bele halo buat ruma ba ninia futuru,” nia hateten.

Entretantu, ezame PAP ne’ebé abertura husi Ministru Edukasaun Juventude no Desportu (MEJD), Armindo Maia, tuir oráriu sei hala’o durante semana ida komesa segunda (19/10) no sei ramata iha loron 24 fulan outubru ne’e.

Notísia Relevante :Kritériu Finalista ESTV-GTI Becora Partisipa Ezame Nasionál Mak Tenke Aprovadu Iha PAP

Jornalista: Tomé Amado

Editór: Agapito dos Santo

HAKEREK NO HATÁN

Please enter your comment!
Please enter your name here