Diretór Eskola Sekundária Tekníka Vokasionál-Grupu Teknolojia Indústria (ESTV-GTI) Bekora, Francisco Guterres.

DILI, 14 outubru 2019 (TATOLI)-Eskola Ensínu Sekundáriu Tékníku Vokasionál-Grupu Teknolójia Indústria (ESTV GTI) Becora iha ona kritériu ba estudante finalista sira ne’ebé tuir ezame nasionál kuandu aprovadu tenke hetan valór 5.

Tinan haat ona, kritériu ida ne’e aplika iha Eskola  ESTV-GTI Becora ne’e nu´udar maneira ida hodi ejize kualidade tanba eskola ne’e ninia orientasaun atu forma ema sai profisionál hodi kompete iha merkadu traballu.

Diretór da Eskola ESTV-GTI, Becora Francisco Guterres, hateten kada tinan molok estudante sira atu partisipa ezame nasionál parte eskola sei realiza uluk eventu tolu mak hanesan ezame modulár, fomasaun Kontestu Traballu no Prova Aptidaun Profesional (PAP) depois mak foin tama ba ezame  nasionál.

Rezultadu husi eventu haat ne’e mak sei determina kontinuasaun estudante ESTV-GTI Becora nian atu hakat ba nivel ensinu superiór  (universidade). Ne’e duni estudante finalista sira tenke prienxe valór 5. Kuandu menus husi valór ne’e konsidera reprovadu.

“Maibé valor sira ne’e hotu tenke bazeia ba programa tolu mak hanesan sosiu-kulturál, sientífiku no produtivu, ida ne’e tama iha area disiplina nian. Agora programa produtivu ne’e ninia finalizasaun mak Prova Aptidão Profesionál,” hateten Diretór Francisco Guterres ba jornalista sira iha ESTV-GTI Becora, segunda (14/10/2019).

“Signifika estudante sira tenke hatudu nia badaen skill (abilidade) tuir títulu sira ne’ebé mak estudante sira foti ligadu ho PAP ne’e rasik,” esplika manorin na´in ne´e.

Entretantu, área neen ne’ebé mak eziste iha ESTV-GTI, Becora ne´e mak IT (Informasaun Teknolojia), Elektrónika Komunikasaun, Elektrika, Mekánika Produsaun, Mekánika Auto-movel no Konstrusaun sívil.

Notísia relevante:ESTV-GTI Realiza Uluk PAP Molok Ezame Nasionál

 Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here