Prezidente CI, Virgílio da Silva Guterres. Imajen Tatoli/António Gonçalves

DILI, 13 outubru 2020 (TATOLI)–Prezidente Konsellu Imprensa (CI-sigla portugés), Virgílio da Silva Guterres, konsidera Saudozu Francisco Borja da Costa hanesan jornalista revolusionáriu tanba liuhosi ninia literáriu lori povu maubere ba konskista hodi luta ba ukun rasik-an.

“Ha’u pesoál hateten nia (Borja) grande jornalista revolusionáriu tanba nia konsege lori jornalizmu ida ba fali funsaun sosiál loloos jornalizmu ninian,” nia dehan bainhira partisipa iha serimonia lansamentu livru Borja da Costa no komemorasaun loron kultura nasionál iha CNC, eis Komarka Balide, Dili, tersa ne’e.

Notísia Relevante :CNC-Grupu Juventude Lalibur Borja lansa livru Borja da Costa

Saudozu Borja da Costa asume papél loloos jornalizmu nian iha tempu ne’ebá tanba mosu ho misaun ida maka liberta povu husi okupasaun Indonézia.

“Nia mosu ho misaun ida liuhusi obra ne’ebé mak nia públika iha Jornal do Povo Maubere atu konkista povu sira liuhusi ninia maneira hanesan kilat ida atu konkista ema nia fuan (arma de konkista alma),” Virgílio tenik.

Ezekutivu iha CI ne’e dehan Saudozu Borja nia luta boot tebes no laiha sasukat hodi sukat ninia luta iha momentu ne’ebá.

“Tanba situasaun iha momentu ne’ebá la hanesan ho ohin loron, ita labele ko’alia iha sistema multi partidarizmu  no demokrátiku tanba momentu ne’ebá nia uza jornalizmu ne’e iha intermu revolusaun,” nia hateten.

“Borja nia jornál povu MAUBERE ne’e hanesan Che Guevara nia rádiu rebelde iha Cuba,” nia esplika.

Notísia Relevante :“Poezia Borja da Costa” Nafunan Iha Jardin Borja da Costa

Jornalista :Tomé Amado

Editór :Agapito dos Santos 

HAKEREK NO HATÁN

Please enter your comment!
Please enter your name here