Komisáriu CAC, Sergio Hornai. Imajen/António Gonçalves.

DILI, 14 outubru 2020 (TATOLI)–Komisáriu Comição Anti Corupção (CAC), Sergio Hornai, hateten Lei Medida Prevenção Combate Corrupção (MPCC) ninian ne’ebé públika iha Jornál República, CAC komesa halo ona ezersísiu dezenvolvimentu ba planu estratéjiku nasionál liuhosi meiu halo sensibilizasaun.

Notísia Relevante: OJE 2020 ba CAC pasa, prioritiza medida setoriál hitu 

“Ita komesa halo ezersísiu no daudaun ne’e ita halo ona time line kona-ba dezenvolvimentu ba planu estratéjiku nasionál ba halo sensibilizasaun ba lei MPCC no oinsá mak haree desk review sira relasiona ba tinan 10 liubá,” dehan Komisáriu CAC, ba jornalista sira hafoin partisipa diskusaun meza redonda ba Lei Medida Prevenção Combate Corrupção (MPCC) iha Bairru-Formoza, Gricenfor, Dili, kuarta ne’e.

CAC halo ezersísiu ne’e liuhosi programa halo sensibilizasaun ba Lei Medida Prevenção Combate Corrupção (MPCC) liuhosi reuniaun, workshop no diskusaun sira.

“Ita halo sensibilizasaun liuhosi reuniaun, workshop no diskusaun sira, nune’e ita bele identifika problema korrupsaun iha Timor-Leste ne’e iha ne’ebé ka hosi aspetu polítika, sosiál, kultura no ekonómia,” nia hateten. 

Komisáriu ne’e esplika, bele foti aspeitu ida loloos hodi hatuur katak korrupsaun iha Timor-Leste nia vunerabilidade, risku, prátika sistema repúblika ida-ne’e nian la’o to’o iha ne’ebé.

Nia hateten, buat seluk mak CAC halo abordajén servisu tékniku balu atu prepara kestaun téknika hodi bele hatán bainhira lei MPCC ne’e tama iha loron 180 publikasaun maibé agora halo fazeadamente medida espésifiku, jerál inklui medida reprensivu.

Lei Medida Prevenção Combate Corrupção (MPCC)ne’e, bele reforsa ona servisu instituisaunn Estadu nian hanesan Comissão Antí Corrupção (CAC) nia knaar,” nia hateten. 

Notísia Relevante: CAC haruka ona karta ba MJ atu tradus Lei MPCC ba Tetun

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here