Komisariu CAC, Sergio Hornai. Imajen Tatoli/Antonio Goncalves

DILI, 07 outubru  2020 (TATOLI)-Komisaun Anti-Korrupsaun (CAC) prioritiza medida setoriál hitu iha proposta Orsamentu Jerál Estadu (OJE) tinan fiskál 2020.

Notísia Relevante : Iha OJE 2020, CAC presiza $1,071,547

Proposta OJE CAC nian ne’ebé prevee $1,071,547 kobre ba item saláriu vensimentu $773,107, bens servisu  $298,441, kapitál menór, kapital dezenvolvimentu no transferensia públika laiha.

Reprezentante povu iha Parlamentu Nasionál, ohin, aprova ona iha espesialidade OJE 2020 ba CAC montante $1,071,547 ho   votu a-favor   44, kontra 0 no abstensaun 21.

“Orsamentu ba Komisaun Anti-Korrupsaun  pasa,” deklara Prezidente Parlamentu Nasionál, Aniceto Longuinhos Guterres, ohin,  iha ámbitu diskusaun proposta Orsamentu Jerál Estadu  (OJE) 2020 iha faze espesialidade iha plenária Parlamentu Nasionál.

Tuir dokumentu livru Planu Asaun  Annual  númeru (Livru 2)  prioridade prinsipál  medida setoriál  iha 2020 CAC prioritiza  area hitu, maka hanesan, dahuluk; promove asaun  ho prevensaun, sensibilizasaun no  investigasaun kriminál ba   krime korrupsaun  iha kualkér forma.

Daruak, rekolla no   analiza informasaun relativa ba  kauza   prevensaun  korrupsaun. Datoluk,  realiza asaun   sensibilizasaun destina   hodi limita  prátika aktu korrupsaun. Dahaat, motiva ema   adota prekausaun  redús  aktu  situasaun   ne’ebé fasilita koerénsia  konduta krime. Dalima, akonsella  kualkér instituisaun ka   entidade públika kona-ba forma prevensaun kombate konduta korrupsaun. Daneen, promove asesu justisa, no ikus dahitu nian maka    promove boa governasaun,  jestaun institusionál, fortalese kapasidade  rekursu umanu.

Komisáriu CAC Sergio Hornai hateten, iha OJE 2020 sei haree mós  hodi ezekuta ba programa prioridade liu-liu halo ajustamentu  preparativus ba implementasaun lei Medida Preventiva Kombate Korrupsaun (MPCC-sigla portugés).

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here