Ministeriu Edukasaun Juventude no Desportu asina kontratu ho Kompania Silvia Dili hodi imprime materia ezame nasional.Imajen/Jogerjo Guterres.

DILI, 12 outubru 2020 (TATOLI)-Koordenadór Unidade Kuríkulu Nasionál, Pedro Ribeiro Gonzalves, hateten kompañia Sylvia Xerox, komesa ona imprime matéria ezame nasionál  ba estudante finalista iha loron 10 fulan-outubru no sei  ramata iha loron 13 fulan-novembru.

Ministériu Edukasaun Juventude no Desportu ho Kompañia Sylvia sei imprime matéria ezame nasionál baseia ba númeru estudante finalista ne’ebé maka sei partisipa iha ezame ikus  tinan letivu 2020.

Notísia Relevante:MEJD kontrata Silvia imprime matéria ezame nasionál

“Ita seidauk iha serteza kona-ba totál pontus ezame ne’ebé atu prodúz ne’e la hanesan depende ba númeru kada materia ida, tanba matéria balun bele hetan to’o suratahan hitu (7),” dehan nia ba Tatoli iha MEJD, Vila Verde Dili, segunda ne’e.

Totál estudante finalista pruvolta 55.072 mak sei partisipa iha ezame nasionál. Sira ne’e maihosi estudante ensinu báziku rihun 30.359, ensinu sekundária Jerál rihun 20.145 no ensinu sekundária tékniku Vokasionál rihun 4.568.

Nia dehan Governu liuhosi MEJD sei komesa distribui matéria ezame nasionál ba eskola sira iha munisípiu 12 inklui Rejiaun Administrativa Espesiál Oe-Cusse Ambeno (RAEOA) durante fulan-novembru nian, tanba ezame nasionál sei hala’o iha 16 to’o 18 no ezame lokál sei realiza iha loron 19 to’o 21 fulan-novembru.

Notísia Relevante:Laiha pesoál tékniku, Sentru Imprime MEJD nian la utiliza

Jornalista : Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here