Logotipu MEJD

DILI, 09 outubru 2020 (TATOLI)-Diretór Nasionál Aprovizionamentu Ministériu Edukasaun Juventude no Desportu (MEJD), Pascoál Couto, rekoñese Sentru Imprime MEJD nian iha Comoro la uza “abandona” tanba pesoál tékniku atu halo operasaun ba mákina ne’e laiha.

“Antes ne’e ita halo ona identifikasaun ba Sentru Impresaun MEJD nia iha Comoro maibé ita haree Sentru ne’e iha limitasaun ho tékniku operasaun ba mákina sira tan ne’e ita-nia Ministru rasik mak deside hodi loke konkursu ba kompañia sira husi liur,”  nia dehan ba jornalista sira hafoin MEJD asina kontratu ho Kompañia Silvia Xerox hodi imprime matéria ezame nasionál ne’ebé hala’o iha salaun MEJD, Vila Verde, ohin.

Notísia Relevante :MEJD kontrata Silvia imprime matéria ezame nasionál

Antes ne’e nia dehan mákina refere funsiona tanba tékniku sira husi Korea maka halo operasaun ba mákina ne’e no mákina ne’e rasik Governu Korea maka entrega ba Ministériu Edukasaun iha tinan hirak liubá.

“Ho pandemia COVID-19 entaun tékniku Koreanu sira fila hotu ba Korea no agora Sentru ne’e krize rekursu umanu intermus iha área téknika,” nia hateten.

Ho problema ne’e maka MEJD labele entrega projetu imprisaun matéria ezame nasionál ne’e ba Sentru Imprisaun MEJD nian hodi loke konkursu ne’ebé ikus mai Kompañia Silvia Xerox maka manán projetu ne’e.

Notísia Relevante :Estudante finalista ESG na’in 20.145 sei tuir ezame nasionál

Jornalista : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here