Vice-Ministru Administrasaun Estatal, Lino de Jesus Torezao. Imajen/Antonia Maia Gusmao

DILI, 12 outubru 2020 (TATOLI)–Prezidente Ekipa Juri Ministériu Administrasaun Estatál (MAE), Lino de Jesus Torrezão, hateten semana ne’e MAE konklui ona rezultadu ezame kandidadtu Prezidente Autoridade hosi munisípiu tolu (3) hanesan Baucau, Lautém no Viqueque.

Notísia Relavante: Kandidatu na’in-neen kompete ba vaga Administradór Baucau

“Ha’u seidauk bele fó sai rezultadu klaramente tanba sei iha prosesu panel nia liman. Depois hotu mak anúnsia rezultadu definitivu ba públiku. Parese semana ne’e ita bele konklui ona hafoin mak haree tan ba oin,” dehan Prezidente Ekipa Juri MAE, Lino de Jesus Torrezão, ba Agência TATOLI iha nia knaar fatin, Colmera, Dili, segunda ne’e.

Atuál Vise-Ministru MAE ne’e hateten, formasaun ekipa juri ne’e kompostu hosi Komisaun Funsaun Públika (KFP) na’in-rua (2) no hosi Adminitrasaun Estatál na’in-rua (2) inklui ho Vise-Ministru MAE mak haree ba ezame eskrita Prezidente Autoridade ba Munisípiu Baucau, Lautém no Viqueque. 

Prosesu ne’e ramata, tuir nia, sei aprezenta ba Grupu Tekniku Interministrial (GTI) iha kada ministériu hanesan diretór sira, nune’e sira bele apresia.

“Prosesu hirak ne’e hotu, ita sei aprezenta ba KFP depois ba Grupu Tékniku Permanente (GTP) ministru nian hafoin lori ba konsultivu munisipál. Bainhira loos hotu ona mak ita lori fali ba Konsellu Ministru,” nia hatete.

Tanba ne’e, governante ne’e haktuir, anúnsia rezultadu defenitivu ne’e hein de’it atu fó lista defenitivu no semana ne’e sei anúnsia rezultadu hosi ezame eskrita munisípiu tolu ne’e nian.

Notísia Relavante: MAE halo ona ezame ba kandidatu administradór munisípiu tolu

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here