Estudante UNTL no UNPAZ partisipa seminariu ne'ebe organiza husi Sala Leitura Xanana no Youth Community Care .Imajen/Felicidade Ximenes.

DILI, 10 outubru 2020 (TATOLI)-Sala Leitura Xanana (SLX) hamutuk ho Youth Community Care (YCC), iha sábadu ne’e, realiza semináriu ida ho tema “Tenki fahe todan ne’ebé iha ita-nia hanoin ba ema seluk” hodi selebra loron mundiál ba ema moras mentál  iha Timor-Leste.

“Semináriu ne’e nia temátiku mak atu fahe naha todan ne’ebé  ita sente ba ema hotu atu rona katak saida los mak ita sente koko atu fahe ba ema seluk hatene para bele motiva atu hakmaan ita-nia hanoin,’’ dehan Koordenadór Operasaun Sala Leitura Xanana Reading Room, Manuel Rebelo Soares, ba jornalista iha Lecidere, Dili.

Notísia Relevante :Pradet rejista Timoroan ho problema mentál 1.687

Youth Community Care iha inisiativa di’ak hodi organiza eventu ne’e ba komunidade sira liliu ba joven sira nune’e bele jere sira-nia aan bainhira hasoru problema iha sira-nia moris lorloron.

Iha fatin hanesan  Koordenadór Programa Asisténsia Moras Mentál Pradet, Nicolau Ximenes, semináriu ne’e importante atu fahe informasaun ba joven sira kona-ba kauza no solusaun ba rezolve problema saúde mentál iha Timor-Leste.

“Pradet sente importante atu fahe ba joven sira tanba  ita ema moris temi saudavel la’ós saudavel aspetu fizíku de’it maibé aspetu mentál mós importante tanba ne’e, importante tebes atu hasa’e koñesimentu ba joven sira atu bele   hatene liután ba saúde mentál ne’e  atu nune’e sira prevene sira nian aan  liuhusi risku oioin no oinsá mak bele hetan moras mentál no oinsá mak tulun nia maluk seluk  problema ho psikolojia sosiáll ka moras mentál nian,” dehan nia iha Sala Leitura Xanana Lecidere, Dili.

Semináriu ne’e partisipa husi Estudante Universitáriu hanesan UNTL no UNPAZ.

Notísia Relevante :TL iha Sidadaun ho Problema Saúde Mentál Hamutuk 2015

Jornalista : Felicidade Ximenes

Editór : Agapito dos Santos

HAKEREK NO HATÁN

Please enter your comment!
Please enter your name here