Stress.ilustrasaun

DILI, 10 outubru 2020 (TATOLI)-Organizasaun Naun Govermentál PRADET Timor-Leste durante tinan 18, 2002 to’o 2020 ne’e rejista ona Timoroan ho problema moras mentál iha munisípiu hitu hamutuk ema na’in 1.687.

Munisípiu hitu ne’e maka Aileu, Ainaro, Bobonaro, Baucau, Dili, Ermera no Liquiça.

Notísia Relevante :Ema Moras Mental 48 Halo Tratamentu iha Laclubar

Ba moras mentál sira iha Kapitál Dili, PRADET liuhosi programa ida naran atendimentu ba maluk sira ne’ebé iha dalan ninin hahú kedas iha 2017 to’o agora fó asistentensia ba ema hamutuk 96.

Atu tulun ema ho problema mentál iha sosiedade nia leet, Koordenadór Programa Asisténsia Moras Mentál PRADET, Nicolau Ximenes, hateten save importante maka kria komunikasaun di’ak ho pasiente sira ho lian mamár no evita husi liafuan ofende no krime no seluk tan.

Tuir baze dadus PRADET nian ema na’in 28 maka re-integra ona ba família tanba kondisaun rekupera ona hafoin Sentru Reabilitasaun fó tratamentu liuhosi psikotrópiku.

”Ami re-integra ne’e ba Munisípiu sira ne’ebé mak iha baze dadus katak Munisípiu sira seluk  ne’e iha ida ka rua maibé barak mak iha Munísipiu Dili nian,’’ nia hateten.

Notísia Relevante :Klibur Domin Fó Tratamentu ba Ema Moras Mental ho Defisiénsia

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here