Logo Ministériu Saúde.

DILI, 09 outubru 2020 (TATOLI)-Diretora Rekursu Umanu Ministériu Saúde, Tomasia de Sousa, relata to’o ohin Ministériu Saúde foin mak iha médiku espesialista 45-resin iha área pediátria, obstretika, interna, sirúrjia, anestezia, emerjénsia, cardiolojia, onkolojia no dermatolojista.

”To’o agora ami-nia médiku espesialista ne’e menus tanba ne’e mak ami halo prosesu rekrutamentu signifika ida ne’e priense ona ba 45 espesialista ne’e ba Timoroan de’it 45 espesialista ne’e maioria iha HNGV inklui ita tau mós ospitál Referál Maliana, Baucau Maubesi no Suai,” dehan nia ba jornalista sira iha Caicoli, sesta ne’e.

Notísia Relevante :Médiku Espesialista Estranjeiru Iha ONGV Hamutuk 150

Ministériu Saúde sei kontinua menus médiku espesialista tanba ne’e maka seidauk koloka espesialista ba iha Sentru Saúde Internamentu sira. Tanba ne’e ba oin sei haree oinsá atu priense tan númeru médiku espesialista.

”Ami nia politika mak durante tinan haat ne’e tenki rekruta maibé ida ne’e di’ak depende ba orsamentu maibé ami nia hakarak ne’e tinan-tinan atu tau espesialista 40, ami tau ona planu iha fundu dzenvolvimentu kapitál umanu nian,” tenik tan.

Iha tinan 2017, medisina Timoroan konsege haruka Timoroan na’in 29 ba hasai espesialista iha kardiolojia interna, onkolojia, ortopedia.

“Ba oin ita tau nafatin espesilista ba estuda nafatin hodi priense pakote esensiál iha ospitaláer no mós ho sentru internamentu sira,” nia hateten.

 Notísia Relevante :Kuba Forma Ona Médiku Timoroan 1.000

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here