Ofisial Mediku sira halo hela scan ba visitante sira iha aeroportu Internasional Nicolao Lobato Dili, Kuarta 2 Setembru 2020.Imajen/Antonio Goncalves

DILI, 09 outubru 2020 (TATOLI)-Diretora Rekursu Umanu, Ministériu Saúde, Tomasia de Sousa, informa to’o oras ne’e, médiku espesialista Kubanu hamutuk 116 maka servisu iha Timor-Leste hodi fó asisténsia saúde ba Timoroan.

Kooperasaun entre Ministériu Saúde ho Brigada Kuba atus resin ne’e hodi reforsa servisu liliu fó asisténsia saúde ba pasiente sira iha Ospitál Nasionál no Ospitár Referál Baucau, Maliana, Suai, Maubesi no Oe-Cusse.

 Notísia Relevante :Médiku Espesialista Estranjeiru Iha ONGV Hamutuk 150

”Ita durante ne’e koopera ho médiku espesialista husi estranejiru ne’e liuiu Kuba hamutuk 116 maibé Xineza sira laiha ne’e mai ho voluntáriu ajuda ita iha HNGV maibé ba ospitál referál sira ne’e prienxidu husi Kubanu sira,” dehan nia ba jornalista sira iha Palasiu da Sinzas Caicoli, Dili ohin.

Kada fulan, Ministériu Saúde fó saláriu ba dotór Kubanu sira. ”Ita fó sira nia saláriu moris nian no mós hela fatin ita mak haree hotu tanba sira mai husi rai-liur entaun kada ema ida ita fó $ 2000 hanesan ne’e kada fulan tanba sira fó asisténsia ba iha área espesialista nian,” nia hateten.

 Notísia Relevante :MS foin iha médiku espesialista 45-resin

 Jornalista :Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here