Osan Dolar Amerikanu. Imajen/Espesiál

DILI, 16 setembru 2020 (TATOLI)-Ministériu Ensinu Superiór Siénsia no Kultura (MESSK), simu ona tetu fiskál ba 2021 nian husi Ministériu Finansa hamutuk millaun $ 9.3.

Ministériu Ensinu Superiór Siénsia no Kultura (MESSK), Longuinhos dos Santos, hateten orsamentu ne’e sei fahe ba MESSK ho Sekretáriu Estadu no Kultura (SEAK).

Mezmu simu ona tetu fiskál ne’e, maibé nia dehan Ministériu iha planu sei husu tan orsamentu adisionál bainhira aprezenta ba Komisaun Revizaun Orsamentu Polítika (KROP).

MESSK iha ninia planu orsamentu ba tinan oin sei aloka ba konstrusaun edifísiu Sidade Universitáriu Aileu no Institutu Politékniku Betano.

Alende ne’e, planu oferese bolsa estudu ba estudante iha rai-laran no mós dosente sira husi universidade públiku no privada iha TL.

“Ita mós sei apoiu kapasitasaun ba rekursu umanu hodi reforsa institusionalmente nian tanba Instituisaun Públiku ne’e foun foin mak hari’i iha 2018. ne’eduni presija reforsa ninia rekursu humanu atu nune’e bele monta mos sistema validasaun dadus estatístika iha ensinu superiór nian,” dehan nia ba jornalista sira iha Palacio do Governu, kuarta ne’e.

Enkuantu husi parte SEAK nian, sei aloka ba estabelesimentu Akademia Arte Indústria Kreativas no Kultura, sei loke eskola múzika, dansa tradisionál, estabelese biblióteka nasionál, prezerva patrominu kulturál, no muzeum.

Jornalista : Tomé Amdo

Editór       : Agapito dos Santos

HAKEREK NO HATÁN

Please enter your comment!
Please enter your name here