Logo ministeriu saude

DILI, 30 setembru 2020 (TATOLI)-Diretór Nasionál Apoiu Ospitalár no Emerjénsia, Ministériu Saúde, Nilton da Silva, hateten, durante implementasaun Estadu Emerjénsia liga ho COVID-19 iha Timor-Leste, Ministériu Saúde konsege transfere pasiente hamutuk na’in 11 ba rai-liur, na’in haat bá nasaun Malázia no na’in hitu iha Indonézia.

”Durante Estadu Emerjénsia ita la haruka pasiente ba ospitál Singapura maibé ita haruka ba Malázia no Indonézia deit,” nia dehan ba jornalista sira iha Caicoli, kuarta ne’e.

Notísia Relevante :MS Transfere Urjentu Médiku Ida ba Ospitál Siloam Jakarta

Husi pasiente na’in 11 ne’e, barak liu sofre tumor no kankru  kompara ho moras kurasaun.

Prosesu atu halo tranferénsia pasiente ba diaspora ne’e tenki hetan aseitasaun husi ekipa junta médiku maka foin halo prosesu ba iha Ministériu Negósiu Estranjeiru no Kooperasaun hodi komunika ho nasaun Indonézia no Malázia nune’e bele halo tranferénsia.

“MNEC sei haruka karta no mós dokumentu relevante depois haruka ba sira-nia Embaixada depois sira-nia Embaixada mak komunika ho sira-nia Imigrasaun husi Malázia ho Indonézia bainhira sira-nia imigarasun hatan ona mak manda fali mai ita prosesa , entaun ida ne’e han tempu oituan,” nia hateten.

”Ita halo kontratu mak iha ospitál Sangla Bali, iha Siloam Surabaya, Denpasar, Siloam Jakarta, depois Malázia mak iha IHL inklui Ospitál Singapura ida ne’e mak ita halo MoU ho sira entaun agora daudaun totál pasiente iha rai-liur hamutuk 19 husi Malázia inklui Indonézia,” Nilton da Silva, dehan.

Notísia Relevante :MS Aloka Osan Millaun Hitu Transfere Moras ba Rai-Liur Kada Tinan

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here