Vise-Ministru ba Dezenvolvimentu Estratéjiku Saúde, Bonifácio Maukoli dos Reis.Imajen/Antonio Goncalves

DILI, 29 juñu 2020 (TATOLI)-Ministériu Saúde iha semana kotuk liubá transfere urjente médiku ida ba Ospitál Siloam Jakarta Indonézia hodi halo tratamentu saúde tanba sofre moras kankru ttyroid ka kakorok bubu.

”Foin lalais Governu haruka tan médiku ida hala’o tratamentu iha rai li’ur tanba médiku ne’e moras kankru tyroid kakorok bubu entaun ita mós haree ba situasaun COVID-19 nian nasaun hotu-hotu nia aeroportu taka maibé Indonésia mak loke aeroportu no simu duni ita-nia médiku ne’e no agora daudaun hala’o tratamentu saúde hela iha siloam Jakarta,” informa Vise Ministru Saúde, Bonifácio Maucoli dos Reis, iha HNGV Dili.

Governante ne’e rejeita halo diskriminasaun ba prosesu transférensia moras sira iha rai-liúr iha tanba tenki haree ba kazu urjensia sira. Médiku ne’e halo tranferénsia urjente tanba iha kondisaun saúde ida grave.

“Sira seluk mós ita la taka dalan ba sira entaun ami mós haree ba iha orsamentu tanba kustu ba aviaun ne’e boot tanba aluga aviaun ne’e rihun 30 to’o 40, tanba aviaun ambulansia ida ne’e mós tula ema ida de’it tanba ne’e mak ita haruka ona médiku ne’e ba ona Ospitál Siloam hodi halo tratamentu saúde,”katak Bonifácio.

Daudaun ne’e iha pasiente hamutuk 30-resin maka halo tratamentu saúde iha Ospitál Siloam Jakarta no mós Sangla Bali.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here