Ekipa KOICA-KIDC hasai foto hamutuk ho Ekipa FFTL.Imajen/Midia FFTL.

DILI, 28 setembru 2020 (TATOLI)-Ajénsia Internasionál KOICA-KIDC, segunda ne’e entrega ekipamentu prevensaun COVID-19 faze daruak nian ba Federasaun Futeból Timor-Leste (FFTL).

Fasilidade hirak ne’e kompostu husi máskara 1500, sabaun fase liman 100, dezifektante 100, thermometru eletróniku lima no tanke bee moos ida, poster no video kona-ba meiu prevensaun COVID-19 ne’ebé prodúz husi voluntáriu Korea.

Notísia Relevante:KOICA-KIDC apoiu ekipamentu prevensaun COVID-19 ba instituisaun haat

Sekretariu Jerál Federasaun Futeból Timor-Leste,  Nelio Isaac Sarmento,  agradese ba ekipa KOICA-KIDC tanba bele fó apoiu fasilidade prevensaun COVID-19 ba federasaun.

“Hau lori jogadór no membru FFTL tomak nia naran hato’o ami-nia obrigadu barak ba KOICA-KIDC nia ajuda ba ami nia jogadór sira atu kombate COVID-19,” Eis Sekretáriu Estadu Juventude no Desportu, Nelio Isaac hateten asuntu ne’e iha edifísiu FFTL, segunda ne’e.

Kontiudu husi video no poster ne’e maka halo demonstrasaun kona-ba uza máskara ho loloos, fase liman, uza dezifektante, no seluk tan.

“Asaun Karidade ne’e hakarak atu fahe koñesimentu kona-ba oinsá atu prevene virus ne’e  atu labele da’et iha rai laran,” nia dehan.

Notísia Relevante:KOICA-KIDC Apoiu Fasilidade Prevensaun COVID-19 ba EBF Tasi-Tolu

Jornalista: Hortencio Sanchez

Editór :Agapito dos Santos

HAKEREK NO HATÁN

Please enter your comment!
Please enter your name here