Koordenadór Gabinete Apoiu Sosiedade Sivíl, Filipe da Costa. Imajen Tatoli/Egas Cristovão

DILI, 23 setembru 2020 (TATOLI)–Koordenadór Gabinete Apoiu Sosiedade Cívil (GASC), Filipe da Costa, informa GASS halo ona tranferénsia osan millaun $1,8-resin ba konstrusaun igreja parókia Becora ne’ebé mak atinje ona 90% bazea ba kontratu.

Notísia Relevante: Gabinete Primeiru-Ministru aloka orsamentu $8000-resin ba GASS

“Tuir kontratu ne’ebé mak ami halo ba ho igreja Becora ho osan millaun $2-resin no ami transfere ona osan millaun $1,8-resin no hela de’it $2000 mak seidauk transfere,” dehan Koordenadór GASC, Filipe da Costa, ba Agência TATOLI hafoin hamutuk ho ekipa Gabinete Primeiru-Ministru partisipa audiénsia públika ba proposta Orsamentu Jerál Estadu (OJE) 2020 hamutuk ho komisaun A ho C, iha sala plenária Parlamentu Nasionál, Dili, kuara ne’e.

Nia dehan, konstrusaun igreja Becora ninia atinjimentu no progresu fíziku igreja ne’e 90% ona no ninia pagamentu foin mak 80%.

“Ami-nia pagamentu foin mak 80%. Entaun, ami hein sira halo pedidu mai mak ami kompleta pagamentu refere,” nia dehan.

Tuir planu, nia dehan, GASC sei halo tranferénsia iha tempu badak nia-laran tanba baibain hein 10% bainhira obra finaliza ona mak transfere kompleta osan.

Notísia Relevante: GASC transfere ona millaun $2,5 ba konstrusaun igreja Aimutin Dili

Jornalista: Osória Marques

Editor: Cancio Ximenes

HAKEREK NO HATÁN

Please enter your comment!
Please enter your name here