Koordenadór Gabinete Apoiu Sosiedade Sivíl, Filipe da Costa. Imajen Tatoli/Egas Cristovão

DILI, 23 setembru 2020 (TATOLI)-Gabinete Apoiu Sosiedade Sivíl (GASC, sigla portugés) halo ona transferénsia orsamentu millaun $2,5 ba obra igreja Aimutuin, Dili, ne’ebé reprezenta porsentu 84 hosi totál orsamentu millaun $3.

Koordenadór GASC, Filipe da Costa, hateten progresu konstrusaun fíziku ne’ebé Ajénsia Dezenvolvimentu Nasionál (ADN) relata iha dezembru 2019 katak foin atinje pursentu 72.

“Orsamentu ne’ebé Gabinete Apoiu Sosiedade Sivíl transfere porsentu 84 maibé progresu fíziku ne’e foin maka atinje porsentu 72, ho razaun ida ne’e maka ami seidauk halo transferénsia tan osan pursentu 16,” relata Koordenadór , bainhira hamutuk ho ekipa Gabinete Primeiru-Ministru halo audiénsia públika ba proposta Orsamentu Jerál Estadu (OJE) 2020 ho komisaun C no A iha sala plenáriu Parlamentu Nasionál, kuarta ne’e.

Konstrusaun ba igreja Aimutin, ninia proposta inísiál besik millaun $5, hafoin hetan despaisu hosi Primeiru-Ministru iha tempu ne’ebá no ADN halo verifikasaun Bill of Quantidade (BoQ) tun ba millaun $4.6, maibé lori ba Konsellu Ministru bele aprova de’it millaun $3.

Enkuantu, GASC hatene katak supervizór tékniku ba obra ne’e maihosi ADN no GASC halo monitorizasaun ba implementasaun orsamentu no atividade.

Jornalista: Antónia Gusmão

Editora: Julia Chatarina  

HAKEREK NO HATÁN

Please enter your comment!
Please enter your name here