Treinadór Lalenok United FC, Simón Elissetche. Imajen/Espesiál

DILI, 21 setembru 2020 (TATOLI)-Treinadór Prinsipál Klube Lalenok United FC, Simón Elissetche, otimista lori ninia klube manán DIT hodi hakat ba oitavo finál kopa Federasaun Futeból Timor-Leste, iha grupu A.

“Esperansa ami nian mak iha jogu ikus (01/10/2020) hasoru DIT ami tenke manán nune’e iha oitavu finál mak ami esforsu oinsá hakat ba finál ou semi finál,” dehan Treinadór ho Nasionalidade Xíle ne’e ba Tatoli, iha Kampu Lalenok Fatuhada Dili, segunda ne’e.

Notísia Relevante :Lalenok dere Santa Cruz ho golu 4-0

Kona-ba preparasaun nia dehan, jogadór sira halo treinamentu maka’as tanba ne’e garante sei hetan vitória iha époka ida ne’e.

“Agora ami halao hela treinamentu, ami lá haree ba klube fraku ka maka’as, ami nian mak servisu, servisu hafoin hetan rezultadu,” katak nia.

Jogadór sira iha klube ne’e iha kondisaun saúde di’ak Fabio Christian, Paulo Gally, Daniel Adadi no seluk tan , so Elias Sanchez maka daudaun ne’e moras tanba ne’e Lalenok fiar aan sei joga hasoru DIT hodi manán.

“Jogadór maioria kondisaun di’ak. Elias Sanchez de’it mak moras maibé laiha problema jogadór seluk di’ak hela. Fabio Christian rekopera ona tanba foinlalais aleza  hela maibé durante semana rua nia treinu di’ak hela,  prepara ba oin mak Christian ami sei tau hanesan suplente lai,” nia hateten.

Notísia Relevante :Lalenok halakon Assalam ho 2-0

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here