Aviaun euroAtlantic Airlines. Imajen/wikiwand

DILI, 16 setembru 2020 (TATOLI)-Ministra Negósiu Estranjeiru no Kooperasaun (MNEK), Adaljiza Magno, informa Governu halo hela esforsu atu tula estudante Timoroan iha estranjeiru ne’ebé hakarak fila ona mai Timor Leste ho aviaun Euro Atlantico.

“Estudante sira ami trata hela, sé sira bele mai ho aviaun Euro Atlantico entaun ami bele akomoda sira no ami mós buka dalan hodi halo aprovasaun orsamentu,” dehan nia ba jornalista sira iha Palacio do Governo Dili, kuarta ne’e.

Notísia Relevante :Governu sei lori tan Timoroan iha rai-liur fila mai TL

Maibé Governu mós sei buka alternativa seluk atu tula estudante Timoroan sira ne’e fila mai rai-laran ho aviaun seluk bainhira Aviaun Euro Atlantico laiha posibilidade.

Iha parte seluk, kuarta ne’e Governu mós tenta atu re-ativa vou aviaun komersiál sira mai TL fulan ida dala ida.

“Ami tenta hela oinsa atu re-ativa hikas aviaun komersiál fulan ida dala ida. Maibé sira ne’ebé hatama proposta hanesan sira iha Europa ba liu fali hosi Lisboa mai Governu bele fasilita, maibé re-ativa aviaun komersiál orasida Ministeriu Transporte mak rezolve ida ne’e,”  dehan Adaljiza.

Notísia Relevante :Mate-isin Timoroan na’in rua to’o ona TL

Jornalista  : Hortencio Sanchez

Editór        : Agapito dos Santos

HAKEREK NO HATÁN

Please enter your comment!
Please enter your name here