Mate isin husi korea no Inglatera wainhira wainhira too iha Aeroportu Internasional Nicolao Lobato Dili hodi tula ba ambulasia Kuarta, 5 Agostu 2020.Imajen/Antonio Goncalves

DILI, 05 agostu 2020 (TATOLI)-Mate-isin traballadór Carlito Ferreira no Gabriel Ribeiro, kuarta ne’e, hamutuk ho traballadór 110  to’o ona iha Timor-Leste ho Aviaun Citilink Indonézia iha tuku 02:30 Otl.

Familia Trabailadores neebe mate iha Korea do Sul lori Aifunan no matebian nia Foto wainhira simu mate isin iha Aeroportu Internasional Nicolao Lobato Dili, 5 Agostu 2020.Imajen/Antonio Goncalves

Matebian Carlito Ferreira durante ne’e hanesan traballadór Timoroan hodi servisu iha Korea Súl. Enkuantu Gabriel Ribeiro, servisu iha Inglatera, sira na’in rua mate durante implementasaun Estadu Emerjénsia liga ho COVID-19 iha fulan hirak liubá.

Notísia Relevante :Governu Kontratu Citilink Lori Fila Timoroan iha Korea Súl

Governu liuhusi Sekretáriu Estadu Formasaun Profesionál no Empregu (SEFOPE) maka aloka osan purvolta $ 94.000 hodi tula traballadór Timoroan ne’ebé vistu servisu mate ona iha Korea Súl inklui tula mate-isin matebian na’in rua ne’e lori fila mai Timor-Leste.

Sekretariu Estadu Formasaun Profesional Empregu (SEFOPE), Alarico do Rosario, hatete durante ne’e Governu halo esforsu oioin hodi buka ona dalan mak lori fila ona mate-isin rua ne’e mai rai-laran.

“Sira bainhira sai hosi Timor ba servisu ho isin di’ak, maibé to’o ikus sira fila fali ho isin mate ita tenke simu realidade hotu, Sira bá ne’e buka osan atu oinsá bele dezenvolve nasaun ne’e maibé distinu mak nune’e ita tenke simu,”dehan Governante ba jornalista sira iha Aeroporto Comoro Dili.

Iha fatin hanesan reprezentante família matebian,  Pedro Freitas, hateten matebian Carlito Ferreira husi Timor-Leste ba servisu iha Korea ho saúde di’ak.

“Governu nia esforsu makas los, sira mak lori ba maibé to’o mate sira mak esforsu hodi lori fila fali mai, maski isin mate ami simu ho liman rua no agradese bo’ot ba Governu,”katak nia.

Notísia Relevante :Traballadór Timor-oan Ida Iha Korea Súl Hakotu-Iis

Entretantu, hafoin to’o iha Aeroportu Dili, Governu maka akompaña mate-isin Carlito Ferreira, lori ba iha ninia residensia iha Caicoli, depois kinta (06/08)sei kontinua lori ba ninia rai Zumalai Munisípiu Covalima.

Enkuantu, matebian Gabriel Ribeiro,  familia simu lori kedas  ba rezidensia iha Ailok-Laran Dili hodi hala’o serimonia funebre.

Jornalista  : Hortencio Sanchez

Editór        : Agapito dos Santos

HAKEREK NO HATÁN

Please enter your comment!
Please enter your name here