Jogador klube AS Marca no Ultramar hadau malu bola iha joga Kopa FFTL.Imajen/Midia FFTL.

DILI, 17 setembru 2020 (TATOLI)-Klube istimadu Atletico Ultramar husi Munisípiu, kinta ne’e tenki hakoi ninia mehi atu manán klube AS Marca iha jogu Kopa Federasaun Futeból Timor-Leste iha Estádiu Munisipál Dili tanba lakon ho golu 2-0.

Ho vitoria ne’e lori kedas klube promovidu terseiru divizaun ne’e ultrapasa tabela klasifikasaun provizóriu datoluk ho pontu tolu, klasifikasaun daruak okupa husi klube FIEL ho pontu tolu hanesan maibé diferensia maka bola.

Notísia Relevante :Hatrick Garcia lori Ponta Leste manán Ultramar 4-1

Klasifikasaun dahuluk okupa husi AS Ponta Leste ho pontu sia, enkuantu Klube Nagardjo FC ho Ultramar tuur iha klasifikasaun ikusliu ho pontu ida  iha grupu B Kopa FFTL, époka 2020.

AS Marca hetan vitoria ne’e ho golu rua ne’ebé prodúz husi jogadór Ezequel da Cruz iha minutu 28 no Pascoal da Cruz  iha minutu 71.

Iha minutu 76, árbitru sira obrigadu foti desizaun hodi fó kartaun kinur ba jogadór AS Marca, Ezequel da Cruz, no iha minutu 87, Elizio de Jesus tanba komete erru kontra jogadór klube Ultramar.

Husi parte klube Ultramar nian, jogadór Domingos Amaral 18 no Filipe Ribeiro 83 hetan mós kartaun kinur tanba halo erru hanesan hasoru jogadór AS Marca.

Entertantu, jogu ne’e dirije hosi árbitru,  Jaime Gonçalves juiz liña Romario Tety, Pedro Braga no árbitru rezerva Emilio Araújo.

Notísia Relevante :Ponta Leste Halakon Ultramar 2-1

Jornalista  : Hortencio Sanchez

Editór        : Agapito dos Santos

HAKEREK NO HATÁN

Please enter your comment!
Please enter your name here