Klube Ponta Leste joga hasoru Klube Atletico Ultramar .Imajen Hortencio Sanchez.

DILI, 21 agostu 2020 (TATOLI)-Klube AS Ponta Leste susesu liuhosi jogadór, Silveiro Garcia,tanba  hatama golu tolu hodi halakon ninia adversáriu Atletico Ultramar ho eskoru 4-1 durante jogu Kopa FFTL ne’ebé hala’o iha Estádiu Munisipál Dili, sesta ne’e.

Golu vitória Klube Ponta Leste nian prodúz hosi jogadór Silveiro Garcia (27) iha minutu ‘3, ’30, 43.

Notísia Relevante :Lalenok halakon Assalam ho 2-0

Enkuantu golu  ida seluk hatama hosi, jogadór, Filipe Ribeiro (3) liuhosi auto golu iha minutu ’18. Golu úniku Ultramar hatama hosi Filipe (3) iha minutu ’74.

Hosi rezultadu ne’e ekipa balsaun tenke simu derrota no hein fali jogu seluk tuirmai.

Jogu refere dirije husi árbitru Eufrasio Silva juiz liña Filomeno da Silva, Elisio Lopes, no árbitru rezerva, Angelo dos Santos konsege fó kartaun mean ba jogadór Ponta Leste João Hale (17) tanba komete érru iha kampo laran no Ultramar João Savier komete mós éru hanesan.

Notísia Relevante :FFTL Realiza Kopa 2020 ho Osan Rihun $ 200

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here