Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (16/09). Imajen Tatoli/Egas Cristovão

DILI, 16 setembru 2020 (TATOLI)-Ministru Finansa, Fernando Hanjam, aprezenta projetu rezolusaun Governu, kona-ba tabela ne’ebé define montante osan ba ajente administrasaun públika ne’ebé maka hola parte iha esforsu luta kontra COVID-19, hanaran liña frente.

Ministru Prezidénsia Konsellu Ministru, Fidelis Manuel Leite Magalhães, hateten diploma ne’ebé hetan aprovasaun ne’e iha semana hirak liubá Governu halo ona alterasaun dahuluk ba kategoria sira maibé seidauk konsege define valór atu halo pagamentu.

“Ema ne’ebé tama kategoria maka presta serbisu durante ne’e iha Sentru Integradu Jestaun Krize (CIGC, sigla portugés), Servisu Nasionál Intelejénsia (SNI), hola parte iha CIGC iha munisípiu sira. Sira ne’e kulifikadu ona maibé Governu aprova tan tabela hodi define montante,” relata Ministru Fidelis hafoin ramata reuniaun ezekutivu iha Palásiu Governu, kuarta ne’e.

Notísia Relevante: Governu aprova remunerasaun ba ajente iha Sala Situasaun durante COVID-19

PR promulga primeira alterasaun ba dekrertu-lei suplementu remuneratóriu

Alterasaun dahuluk ba Rezolusaun Governu númeru 13/2020 12 maiu, relasiona ho valór suplementu remuneratóriu ba funsionáriu, ajente no traballadór sira hosi administrasaun públika nian ne’ebé presta sira ida-idak ninia servisu profisionál atu halo prevensaun ka kontrolu ba moras COVID-19 ka sira ne’ebé halo servisu direta atu tau-matan ba ema hirak-ne’ebé afeta hosi SARS-CoV2 durante períodu Estadu Emerjénsia.

“Rezolusaun ne’ebé aprova ona, hamosu filafali atu define valór suplementu renumeráriu ne’ebé sei selu ba kategoria profisionál sira ne’ebé aumenta ona ba Dekretu-Lei no. 34/20200 2 setembru, ba planu ne’ebé hatuur iha dekretu-lei númeru 17/2020 30 abríl,” governante ne’e esplika.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here