Vice Prezidente Asuntu Gabinete Formasaun Professional, Arlindo Pinto. Imajen/TATOLI

DILI, 15 setembru 2020 (TATOLI)-Vise Prezidente Asuntu Gabinete Formasaun Profesór no Kontinua (GFPK), INFORDEPE, Arlindo Pinto, hateten nia parte prodúz ona kuríkulu formasaun ba formadór no profesór sira hodi uza bainhira hanorin estudante sira iha eskola.

“Ita elabora fali kuríkulu formasaun ba manorin na’in sira atu sai matadalan ida ba INFORDEPE inklui parseiru dezenvolvimentu sira atu nune’e bainhira halo formasaun ruma iha eskola tenki la’o tuir matadalan ne’ebé mak ita prodúz ona,” dehan nia ba Tatoli iha ninia servisu fatin Matadouro Dili, tersa ne’e.

Notísia Relevante :INFORDEPE fó ona formasaun lian jestuál ba profesór 300

Kuríkulu ne’e ko’alia kona-ba planu, lisaun ba disiplina, kontiudu kurikulár sira, inklui metódu no modúl ba formasaun nian.

“Matadalan ida ne’e enkuadra ona kuríkulu ka disiplina sira, ne’e duni kuandu maluk sira husi sosiadade sivil, ajénsia nasionál ka internasionál sira atu labele ses husi matadalan formasaun ne’e,” katak nia.

Entretantu, daudaun ne’e INFORDEPE iha ona faze finál ba prodsaun kuríkulu ne’e no planea iha semana oin sei halo sensibilizasaun ba públiku.

Notísia Relevante :INFORDEFE hahú rekruta Dosente Timoroan 106

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here