Jogador Ponta Leste, Silveiro Garcia.Imajen/Midia FFTL.

DILI, 14 setembru 2020 (TATOLI)-Jogadór Timoroan ne’ebé hamahan aan iha klube AS Ponta Leste, Silveiro Garcia, daudaun ne’e sai mellor markadór iha Kopa Federasaun Futeból Timor-Leste (FFTL), époka 2020.

Garcia rekoilla ona golu hamutuk ualu husi joga dala tolu ne’ebé AS Ponta Leste hasoru ho As Marca, FIEL no Acletico Ultramar.

Notísia Relevante :Hatrick Garcia lori Ponta Leste manán Ultramar 4-1

Tuir rezultadu ne’ebé fó sai husi mídia kopa FFTL, katak jogadór Silveiro Garcia, marka ona golu hamutuk ualu, Jogadór Anizo Correia, husi Ponta Leste marka golu lima, no Bonarudin Amin,  golu haat.

Ho rezultadu provizóriu ne’e hatudu katak jogadór Timoroan mós bele kompete ho jogadór estranjeiru ne’ebé daudaun ne’e klube sira uza iha kopa FFTL.

Jogadór estranjeiru sira ne’ebé maka daudaun ne’e klube nasionál sira uza iha Kopa FFTL ne’e maka Fabio Christian, Daniel Adade Boaten, Patrick Pablo Andrew no seluk tan.

Iha loron 11 fulan-setembru liubá, mellor markadór ne’e hetan prémiu man of the match husi Pateo iha Estádiu Munisipál Dili.

Notísia Relevante :SLB Dere Ponta Leste 4-0

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here