Ekipa SLB selebra vitória hafoin halakon Ponta Leste. Imajen Mídia LFA

DILI, 05 janeiru 2019 (TATOLI)–Klube estimadu SLB U-16 halakon AS Ponta Leste ho golu 4-0 iha jogu kontinuasaun Liga Juvenil ne’ebé hala’o iha kampu Federasaun Futeból Timor-Leste (FFTL), Bairru Formosa, Dili, domingu ne’e.

Golu SLB prodús hosi jogadór Jenivio Mota iha minutu 13, 65, Wilian Vong 31 no João Sequeira 47.

Hosi vitória ne’ebé klube koñesidu ho Makikit Laulara ne’e hetan lori kedas ekipa refere okupa pozisaun segundu iha tabela klasifikasaun provizóriu ho pontu 7.

Enkuantu, primeiru lugár okupa husi Assalam FC ho pontu 9. Terseiru lugár Karketu Dili FC ho pontu 6. Kuartu lugár Ponta Leste ho pontu 3. Kintu lugár Aitana FC ho pontu 3. Sestu lugár Académica FC ho pontu 3. Sétimu lugár Lalenok United FC ho pontu 3. Ekipa haat ne’e pontu hanesan maibé diferente iha golu. Oitavu lugár Fitun Estudante Lorosa’e (FIEL) ho pontu 0.

Jogu refere dirije hosi árbitru Francisco Pereira, juiz liña Paulo da Costa, Horacio dos Santos no árbitru rezerva, Inácio dos Santos.

Liga Juvenil ne’e realiza tanba apoiu finanseiru hosi Asian Football Confederation (AFC) no organiza hosi Liga Futeból Amadora (LFA) no FFTL.

Jornalista: Hortençio Sanchez

Editór: Xisto Freitas

1 KOMENTÁRIU

HAKEREK NO HATÁN

Please enter your comment!
Please enter your name here