Logotipu PSHT.

DILI, 11 setembru 2020 (TATOLI)-Komandu Polísia Nasionál Timor-Leste (PNTL) fó “ultimatu” ba membru organizasaun arte-marsiál Persaudaraan Seti Hati Terate (PSHT) atu kuidadu halo viajen ilegál ba  Atambua-Indonézia hodi partisipa serimónia sa’e sintu ka sa’e sabuk (pengesahan), tanba daudaun ne’e, Indonézia iha situasaun alerta-un tanba surtu COVID-19 akontese maka’as loos.

Notísia Relevante : UPF, EUP ho F-FDTL detein membru PSHT na’in-43

Komandante Jerál PNTL, Komísariu Faustino da Costa. Imajen Tatoli/Egas Cristovão

Komandante Jerál PNTL, Komisáriu Faustino da Costa deklara, bainhira oknum membru sira ne’e viajen ilegál no fila fali mak sofre COVID-19 bele fó ameasa ba saúde sosiedade iha Timor-Leste.

“Ha’u husu ba lider arte-marsiál sira para orienta ba membru sira labele halo movimentu ilegál hodi bele fó risku ba nia-aan no nasaun,” afirma Komandante Faustino da Costa, ba jornalista, ohin, iha Kuartél Jerál PNTL, Caicoli, Dili.

Nia dehan, daudaun ne’e PNTL Munisípiu Bobonaro, Covalima no Oe-Cusse hetan apoia husi F-FDTL, Unidade Espesiál Polísia (UEP) no Unidade Polísia Marítima (UPM) halo seguransa maka’as iha fronteira terrestre no tasi hodi kontrola movimentu ilegál sira.

Notísia Relevante : Prezidente PSHT TL husu membru sira tama kuarentena obrigatóriu

Komandu PNTL rasik fó ona orden ba autoridade seguransa sira halo prosesu ba Timoroan hirak ne’ebé kaptura no hela iha fatin kuarentena durante loron 14 remata, PNTL sei ba foti ema hirak ne’e hodi halo investigasaun no prosesa ba Ministériu Públiku.

“La signifika sira sai husi kuarentena ne’e livre ona. Sira sei iha kontinuasaun prosesu para submete ba Ministériu Públiku, tanba estadu Timor-Leste mós implementa hela estadu emerjénsia,” tenik nia.

Nia  hatutan, grupu arte-marsiál  sira ne’ebé  Governu reativa ona tenke ba rejista iha Comissão Reguladora das Artes Marciais (CRAM) hodi halo atividade ho legál.

Iha parte seluk, Komandante Unidade Patrullamentu Fronteira (UPF), Superintendente João Sancho Pires, deklara UPF, F-FDTL no UEP kontinua halo operasaun hodi detein membru PSHT liu na’in-40 ne’ebé ilegálmente haku’ur fronteira terrestre hodi ba sa’e sabuk iha area jurisdisaun Indonézia nian.

Notísia Relevante : PR Lú Olo preokupa movimentasaun arte-marsiál iha fronteira terrestre

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here