Kompaña Victoria Constrution Unipesoál LDA, besik finaliza ona prosesu reabilitasaun ba Jinaziu Dili.Imajen/Hortencio Sanchez.

DILI, 10 setembru 2020 (TATOLI)-Prosesu reabilitasaun Jináziu Dili daudaun ne’e atinje ona pursentu 80 (%) no falta pursentu 20 ne’ebé sei ramata iha tempu badak.

Diretora Finansa husi Sekretáriu Estadu Juventude no Desportu (SEJD), Maria Luisa, hateten tuir loloos obra ne’e termina ona iha fulan-agostu liubá, maibé tenki estende tan to’o fulan-dezembru tanba Governu funsiona ho orsamentu duodesimu.

Notísia Relevante :Prosesu Reabilitasaun Jináziu Dili Atinje Ona Pursentu 15

“Progresu jináziu Dili agora tama ona iha pursentu 80, 20 ne’ebé tempu besik sei finaliza, kompaña monta ona lampu, tau ona plafon, monta ona kadeira no seluk tan,” dehan nia ba Tatoli iha SEJD Lecidere Dili, kinta ne’e.

Kompaña Victoria Constrution Unipesoál LDA, maka kaer projetu ne’e ho osan hamutuk $ 412, 595. 61.

Notísia Relevante :Projetu Reabilitasaun Jináziu Dili no Voleiból Praia Bele La’o ho Duodésimu

Jornalista  : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here