Diretora Nasionál Administrasaun no Finansa SEJD, Maria Luisa Monteiro. Imajen/Hortençio Sanchez

DILI, 23 janeiru 2020 (TATOLI)–Diretora Nasionál Administrasaun no Finansa Sekretaria Estadu Juventude no Desportu (SEJD), Maria Luísa Monteiro, hateten prosesu reabilitasaun ba Jináziu Dili daudaun ne’e la’o di’ak tebes no agora atinje ona pursentu 15-resin.

“Jináziu Dili nia progresu la’o hela tanba kompañia mós esforsa-an hodi hala’o serbisu maka’as tebes no agora atinje ona pursentu 15-resin,” diretora ne’e dehan ba Agéncia Tatoli, iha edifísiu SEJD, Lecidere, Dili, kinta ne’e.

Nia esplika, tuir kontratu, kompañia termina nia obra iha abríl mai ne’e bazeia ba kontratu ne’ebé hala’o ho SEJD.

Nia argumenta, durante kompañia hala’o serbisu, tékniku hosi SEJD nian sempre akompaña.

Reabilitassun ba obra refere nu’udar preparasaun ba jogu Komunidade Nasaun Ko’alia Lian Portugeza (CPLP-sigla Portugés), iha ne’ebé sei realiza iha jullu mai ne’e.

Enkuantu, orsamentu ba reabilitasaun ne’e hamutuk $412, 595. 61 no tipu orsamentu tama iha kapitál dezenvolvimentu.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here