Sekretáriu Estadu Juventude no Desportu, Nélio Isaac Sarmento. Imajen/TATOLI

DILI, 20 janeiru 2020 (TATOLI)–Sekretáriu Estadu Juventude no Desportu, Nélio Isaac Sarmento hateten maski Governu la’o de’it ho orsamentu duodésimu maibé la fó impaktu ba projetu sira hanesan reabilitasaun Jináziu Dili no kampu Voleiból Praia ne’ebé la’o hela.

“Orsamentu ba reabilitasaun Jináziu Dili no Voleiból Praia laiha impaktu boot tanba ita sei bele la’o hela ho orsamentu doudésimu tanba nia kontratu sei hotu iha abríl ka marsu hanesan ne’e. Entaun, ita sei bele uza uitoan-uitoan hela iha Kapitál Dezenvolvimentu nian. Importante mak andamentu kompañia nian mak bele la’o nafatin,” Nélio ba Agância Tatoli iha edifísiu Sekretaria Estadu Juventude no Desportu (SEJD), Lecidere, Dili, segunda ne’e.

Nia dehan, bainhira kompañia sira halo serbisu hodi aselera prosesu, SEJD sei bele halo pagamentu ho osan duodésimu nian.

Tanba ne’e, nia dehan, Kapitál Dezenvolvimentu iha SEJD laiha impaktu ne’ebé maka’as.

Entretantu, orsamentu ba reabilitasaun Jináziu Dili hamutuk $412,595.61 no apoiu ba reabilitasaun kampu Voleiból Praia hamutuk $84,302.71.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here