Antigu Ospitál Indonézia, Wirahusada, Lahane. Imajen tatoli/António Gonçalves

DILI, 07 setembru 2020 (TATOLI)-Prosesu rebailitasaun Ospitál António de Carvalho Lahane daudaun ne’e atinje ona pursentu 90 (%).

Governu liuhosi Ministériu Saúde, reabilita fatin ne’e ho objetivu atu uza hanesan fatin izolamentu ba pasiente COVID-19.

Notísia Relevante :Reabilitasaun Ospitál Lahane Atinje Ona Pursentu 30

Na’in ba Kompañia HEDGE Contraction LDA, Francisco Moniz, ba Agência Tatoli segunda ne’e relata tuir kontratu durante fulan-setembru ne’e sei entrega ona ba Governu liliu Ministériu Saúde hodi utiliza.

Durante semana ida ne’e nia laran, kompaña implementadór projetu ne’e sei sei konklui prosesu drainajen ba bee dalan, monta keramik no oksijéniu. Kona-ba oksijéniu MS prefere atu monta iha kama ulun iha kada kuartu kompara ho antes ne’e uza oksijéniu ida dudu de’it ne’e.

”Uma ne’e ita bele dehan hotu ona finishing kalen sira ita taka hotu ona ezemplu parede balun sei kuak karik ita taka no pinta filafali tanba ne’e mak atinje ona 90%,” dehan nia via telefone.

Alende ne’e tuir BOQ (Bill of Quantity), Kompaña tenki taka kalen foun, plafon no instalasaun eletrisidade foun.

Projetu ne’e ho durasaun fulan-tolu komesa juñu no ramata iha setembru 2020 ho valór orsamentu millaun $ 4.51.

“Ospitál lahane ne’e iha sala izolamentu haat sala admintrasaun no haris fatin inklui sala sira seluk,” tenik tan.

Notísia Relevante :Ospitál Lahane Iha Faze Reabilitasaun Sai Fatin Izolamentu ba Kazu COVID-19 Grave

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here