Hahán lokál. Foto/Timor-Leste Offical Tourism Website.

DILI, 07 setembru 2020 (TATOLI)-Ekipa tékniku husi Ministériu Haat no Ajénsia Internasionál ramata ona halo revizaun ba menu merenda eskolár hodi muda ona naran refeisaun eskolár.

Ekipa tékniku husi Ministériu haat ne’e maka Ministériu Edukasaun Juventude no Desportu (MEJD), Ministériu Administrasaun Estatál (MAE), Ministériu Saúde (MS), Ministériu Agrikultura no Peska (MAP) inklui Ajénsia Internasionál Care Internansionál no Programa Ai-han Mundiál (WFP-sigla inglés).

Notísia Relevante :MEJD-MAE Hahú Elabora Manuál ME

Diretór Nasionál Asaun Sosiál Eskolár (DNASE), Joaquim Martins, hateten razaun muda naran husi merenda eskolár ba refeisaun eskolár ne’e tanba hahán ne’ebé maka durante ne’e oferese ba estudante ensinu báziku sira la’ós ona kategoria merenda maibé hahán ho pezu boot hanesan han meudia nian tanba oferese etu, naan, modo tahan, ikan no seluk tan.

Husi revizaun manuál ne’e, sei afeta mós ba orsamentu konsensaun eskolár ne’ebé durante ne’e estudante na’in ida hetan $ 0.25  no sei aumenta ba $ $ 0.50 iha 2021 ba kada estudante hodi sosa foos no produtu lokál seluk tan.

Nia dehan relatóriu husi revizaun ne’e ekipa tékniku aprezenta ona ba Ministru Edukasaun Juventude no Desportu (MEJD) Armindo Maia.

“Ita ekipa forte husi liña Ministériu haat inklui ejénsia Internasional sira ne’ebé durante ne’e sai pareseiro konklui ona revizaun merensa eskolár ne’e no agora arejenta ona ba Ministru no Vice Ministru Edukasaun António Guterres, atu halo revizaun ikus molok ita entrega ba Komisaun Juridíku hodi anunsia,” dehan nia ba Tatoli iha ninia servisu fatin Vila Verde Dili, segunda ne’e.

Notísia Relevante :Governu Seidauk Re-Ativa Programa Merenda Eskolár

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here