Hahán lokál. Foto/Timor-Leste Offical Tourism Website.

DILI, 13 jullu 2020 (TATOLI)-Governu liuhosi Ministériu Edukasaun Juventude no Desportu (MEJD) daudaun ne’e seidauk  re-ativa programa merenda eskolár ba estudante ensinu báziku iha territóriu Timor-Leste tanba prosesu aprendizajen iha eskola sira seidauk la’o ho efetivu tuir oráriu normal.

Diretór Nasionál Asaun Sosiál Eskolár (DNASE), Joaquim Martins, hateten maski seidauk iha data fiksu atu re-ativa programa ne’e hafoin paradu ona durante fulan-tolu ba implementasaun Estadu Emerjénsia ligadu ho pandemia globál surtu COVID-19 iha Timor-Leste.

“Agora ita seidauk bele deside implentasaun programa merenda eskolár tanba tenki hein orariu loron efetivu Ministériu  nian, maibé ita sujere ona ba parte dirijente eskola sira atu prepara sira-nia proposta hodi aprezenta ba Munisípiu,” katak Joaquim Martins, ba Tatoli, segunda ne’e iha Vila Verde.

Nia sujere ba eskola idaidak atu hatama sira-nia proposta orsamentu ba Ministériu Edukasaun Nivel Munisípiu hodi hetan alokasaun orsamentu nune’e bele re-ativa programa merenda eskolár ba estudante sira.

Jornalista : Tomé Amado

Editór       : Agapito dos Santos  

HAKEREK NO HATÁN

Please enter your comment!
Please enter your name here