Dadus kona-ba orsamentu ba programa merenda eskolár iha Ensinu Báziku Sentrál no Eskola Filiál iha Sidade Dili. Foto Agência TATOLI

DILI, 31 fevereiru 2020 (TATOLI) – Ministériu Administrasaun Estatál (MAE) liuhusi Diretór Nasionál Finansa ba Munisípiu (DNFM), Valenti de Fatima Guterres informa katak diskuasaun ne’ebé sira halo hamutuk ho Dirasaun Nasional Asaun Sosiál Eskolár (DNASE) kona-ba konsultasaun ba revizaun Manuál Merenda Eskolar (ME) ramata ona. Maibé, sei hela servisu tékniku sira nian kona-ba eloborasaun finál manuál ME ne’e rasik.

“Ha’u labele garante to’o bainhira mak tékniku sira fó sai rezultadu finál ba elaborasaun Manuál Merende Eskolár ne’e maibé ha’u fiar katak oras ne’e sira haka’as aan maka’as hela. Espera katak marsu mak tékniku sira bele konklui,” Diretór Valenti de Fatima Guterres ba Agência TATOLI iha ninia gabinete, MAE Colmera, ohin.

Tuir nia, revizaun ba Manuál ME ne’e mak sei sai guiaun própriu ida ba Munisípiu no Estatál rasik kuandu iha prosesu elaborasaun orsamentu no programa ne’e bele preferánsia ona ba diploma ne’e rasik, tanba bazeia ba ajustamentu ka armonizasaun programa ne’e rasik. Durante ne’e DNFM haree husi aspetu jestaun Finansa, loos duni durante ne’e iha problema tanba laiha kalkulasaun.

Tanba ne’e MEJD no MAE kria diskusaun ne’e tanba durante tinan rua implementasaun ME  ne’e hasoru dezafiu no obstakulu barak.

Problema sira ne’e la’ós iha ninia programa maibé jestór, dirijente sira, implementadór sira ne’ebé loloos atu halo komunikasaun no korespondénsia ba malu ne’e mak lori prosesu ne’e naruk liu tiha, depois kontra tiha polítika ministériu nian.

Ne’eduni ministériu rua ne’e tuur hamutuk hodi hadi’a fila fali manuál ne’e atu ba futuru labele iha tan problema. Maibé, agradese ba MEJD tanba bele ona fasilita diskuasaun ne’e. Maibe  la signifika depois hasoru malu iha diskuasaun ne’e buat hotu loos ona. Diskusaun ne’e foin mak akumula ideia, pensamentu no sujestaun sira no agora daudaun tékniku sira sei elabora hela hodi buka serteza ba programa ne’e rasik.

“Iha ita-nia diskuasaun durante loron rua liubá ne’e kona ba konsultasaun ba revizaun manuál Merenda Eskolár ne’e atu haree fila fali  prosedementu no prosesu sira ne’e sei kondis ka lae ho situasaun no polítíka ne’ebé kontinua la’o hela”.

“Kuandu programa ne’e importante duni, entaun kona-ba saida? tenke mai ho  ninia alvu, meta no sasukat sira. Portantu, tenke kria ninia kondisaun atu nune’e labarik sira iha eskola mós bele hetan hahan husi Merenda Eskolár ne’e ho favoravel no justu”.

Entertantu, tuir nia, diskusaun ne’e konsege hetan ideia barak la’ós de’it husi munisípiu maibé mai mós husi parseiru sira. Ninia rezultadu finál presiza hein to’o bainhira mak tékniku sira bele ramata sira-nia serbisu.

Notísia relevante:MEJD-MA-MAE Sei Diskute Revizaun Manuál ME

Jornalista : Tomé Amado

Editór     : Rafy Belo

HAKEREK NO HATÁN

Please enter your comment!
Please enter your name here