Embaixadór Xiao Jianguo, hasai foto hamutuk Vise Ministru Saúde, Bonifácio Maucoli dos Reis, ho ekipa durante serimonia entrega ekipamentu prevensaun COVID-19.Imajen/Felicidade Ximenes.

DILI, 02 setembru 2020 (TATOLI)-Governu Repúblika Populár Xina, liuhosi ninia Embaixadór Xiao Jianguo, kuarta ne’e entrega ekipamentu prevensaun COVID-19 hanesan lampu dezinfektan hamutuk 20 ba Ministériu Saúde liuhosi Vise Ministru, Bonifácio Maucoli dos Reis.

”Ekipamentus ne’ebé mak ami apoiu ba Ministériu Saúde ne’e mak lampu UV dezinfektan ne’ebé apoiu dahuluk ba Timor-Leste,” dehan Xiao Jianguo, iha edifísiu Embaixada Xina Ai-tarak-Laran Dili.

Notísia Relevante :Xina Apoiu Ekipamentu Prevensaun COVID-19 ba MESSK

Lampu dezinfektan ne’e atu deteta virus kiik hodi halo prevensaun ba transmisaun coronavirus iha ospitál no Sentru Saúde sira.

”Kriteira uza lampu ne’e mak bainhira uza lampu tenki kontrola matan para bele uza hodi kontrola ba bakteria ka virus ne’ebé mak iha entaun lampu ne’e ba profisionál saude sira mak uza,” esplika Xiao.

Iha fatin hanesan Vise Ministru Saúde, Bonifácio Maucoli dos Reis, hateten ekipamentu ne’e sei entrega ba Ospitál Nasionál Guido Valadares (HNGV-sigla portugés) hamutuk 10 no kada ospitál referál sira hetan lampu rua.

Notísia Relevante :Xina kontinua apresia TL kombate COVID-19

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here