Sekretáriu Estadu Juventude no Desportu, Abrão Saldanha. Imajen SEJD/Dok.

DILI, 01 setembru 2020 (TATOLI)-Sekretáriu Estadu Juventude no Desportu (SEJD), Abrão Saldanha, informa ekipa tékniku sira daudaun prepara hela pakote lejizlsaun hodi re-integda grupu arte-marsiál tolu hanesan Persaudaraan Setia Hati Terate (PSHT), Ikatan Kera Sakti no Kmanek Oan Rai Klaran (KORK) ba sosiedade nia leet.

“Agora ami esforsu hela hodi haree ba asuntu ida ne’e hodi lori ba Ministru atu bele lori ba Konsellu-Ministru hodi haree oinsá mak servisu ekipa ba pakote lejizlasaun hirak ne’e para bele re-integra sira iha sosiedade,” dehan Governante ba Tatoli iha edifísiu Lecidere, segunda ne’e.

Notísia Relevante :Xefe Estadu Husu GAM La’o Tuir Lei

Mezmu lejizlasaun seidauk prontu, maibé nia husu ba grupu arte-marsiál hotu-hotu atu kontribui ba páz

Governu sei sevisu maka’as  atu prodúz lei hirak ne’e para regulariza atividade grupu arte-arte marsiál ne’ebé ejiste iha Timor-Leste.

“Buat sira ne’e Governu halo hela la’ós fasil entaun tenke presiza diskusaun komprensivu oinsá mak lori arte marsiál sira integra iha prosesu hirak ne’e hodi regulariza sira nia organizasaun, regulariza sira nia kuríkulu, regulariza sira-nia treinamentu, buat sira ne’e hotu presiza tempu SEJD sei la taka matan,” tenik tan.

Ikusliu nia apela ba membru grupu arte marsiál sira ne’ebé hakarak hasa’e sintu ina Indonézia atu evita ultrapasa fronteira  ho ilalmente tanba kontra lei no mós viola regra Estadu Emerjénsia.

Notísia Relevante :PM Taur Orienta KRAM Halo Avaliasaun ba Grupu Arte Marsiál

Jornalista  : Hortencio Sanchez

Editór        : Agapito dos Santos

HAKEREK NO HATÁN

Please enter your comment!
Please enter your name here