Prezidente Republika, Francisco Guterres Lu Olo.Imajen/Antonio Goncalves

DILI, 24 fevereiru 2020 (TATOLI)–Prezidente Repúblika (PR), Francisco “Lú Olo” Guterres, husu ba joven sira ne’ebé envolvidu iha Grupu Arte Marsiál (GAM) atu la’o tuir lei númeru 5/2017 19 abríl ne’ebé promulga husi Prezidente Repúblika iha 12 abríl 2017 kona-ba rejime jurídiku prátika Arte Marsiál no Rituál sira, Arma Branka, inklui Rama Ambon no kinta alterasaun ba Kódigu Penál.

“Ha’u hakarak atu hateten de’it ba joven sira ne’ebé mak envolvidu iha arte marsiál, tenke la’o tuir nafatin dalan legál, leí ne’ebé governu husik nakloke ona ba ita boot sira, atu bele hala’o ita boot sira nia desportu hanesan timoroan, hanesan organizasaun desportiva Timor Leste nian,” Xefe estadu apela ba GAM sira hafoin halo abertura ba Konferénsia Nasionál Komisaun Anti Korrupsaun (KAK) iha salaun Ministériu Finansas, Aitarak Laran, Dili, ohin.

Xefe estadu esklarese, re-ativa Arte Marsiál liuhusi lei ne’ebé mak iha tanba hakarak atu haree arte marsiál sira ne’e hanesan organizasaun desportiva, nune’e bele la’o tuir dalan lei ninian atu sira bele partisipa iha desportu.

“Apelu ba governu, uluk kedan ha’u hateten tenke halo leí ida atu bele re-ativa fila fali arte marsiál sira, liuhusi kompromisu polítiku ne’ebé partidu polítiku sira hotu ko’alia durante kampaña eleitorál. Tanba ne’e maka, prontu leí ne’e iha tiha kedas ona, horibainhira lori fali rezolusaun ida maka taka tiha fali lei no rezolusaun la iha forsa de lei,” nia apela ba ezekutivu sira.

Notísia Relevante: KM Aprova Rezolusaun Reativa Arte-Marsiál

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here