Logo Ministériu Saúde.

DILI, 28 agostu 2020 (TATOLI)-Ministériu Saúde liuhosi Diretór Nasionál Polítika Kooperasaun, Narcísio Fernandes, hateten Governu sei kontinua fó apoiu tékniku no orsamentu ba dezenvolvimentu Ospitál Nasionál Guido Valadares (HNGV-sigla portugés) ba futuru.

Narcísio Fernandes, hato’o kompromisu ne’e bainhira partisipa diskusaun ba polítika no padraun ba prosedimentu operasionál hodi hasa’e kualidade servisu liliu atendimentu ba pasiente sira HNGV nian iha Maubara, Munisípiu Liquiça.

Notísia Relevante :HNGV diskute polítika no prosedimentu operasionál

”Banhira haree fila fali polítika no padraun prosedimentu operasionál ne’ebé mak iha bele hatene servisu ne’e la’o to’o ona ne’ebé no la’o ba ne’ebé tanba Ministériu saúde deside no fó kna’ar ba HNGV hanesan Institutu Autónomu ida hodi haree ba servisu ida ne’ebé mak presta kuidadu saúde ba iha tersiáriu ninian,” dehan Nia.

Ministériu Saúde fó nafatin prioridade liliu ba orientasaun polítika atu oinsá dezenvolve koidadu saúde primária, sekundária no tersiária ba povu.

”Atu atinje polítika no padraun sira ne’ebé mak iha tenki servisu ho profisionál diak liután tanba ida ne’e mak importante tebes mai ita,” tenik tan.

Nia hateten tuir relatóriu ne’ebé mak Ministériu Saúde simu husi parseiru Saint John of God nian katak HNGV presta servisu ho di’ak hodi redúz númeru pasiente sira iha koidadu saúde tersiária nian.

“Redusaun ne’ebé mak di’ak hatudu progresu servisu nian neineik ba beibeik sai di’ak maibé servisu sira ne’e la to’o iha ne’e presiza atu apresia di’ak liután no presiza hatudu profisionál diak liután,” katak nia.

Notísia Relevante :HNGV hakarak hadi’a jestaun

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here