Xefe Gabinete Kontrolu Kualidade HNGV, Sara Maria Xavier. Imajen/Felicidade Ximenes.

MAUBARA, 28 agostu 2020 (TATOLI)-Dirijente sira husi Ospitál Nasionál Guido Valadares Dili (HNGV-sigla portugés) sesta ne’e, halo diskusaun ba polítika no padraun ba prosedimentu operasionál hodi hasa’e kualidade servisu liliu atendimentu ba pasiente sira.

Diskusaun ne’e hala’o iha Salaun Madre Carmelita Maubara, Munisípiu Liquiça.

”Ita-nia pasiente sira kestiona kona-ba tratamentu maibé ita-nia pesoál Saúde  sira ne’e durante oferese ona ba sira,” Xefe Gabinete Kontrolu Kualidade HNGV,  Sara Maria Xavier.

Padraun ba prosedimentu operasionál ne’e kestaun ida maka ko’alia kona-ba koidadu enfermazen, ezemplu bainhira enfermeiru ida atu monta soru ba pasiente ida, prosesu atu tau soru no ekipamentu ne’ebé presiza atu uza.

”Ita nia dezafiu ida mak hanesan médiku sira husi estranjeiru ne’ebé mak mai ho idaidak nia konesimentu ne’ebé mak iha no seidauk iha uniformizasaun,” tenik tan.

Ho kestaun hirak ne’e maka HNGV presiza kria duni padraun protokolu atu sai matadalan ba médiku estranjeiru sira  tenki tuir saida mak Timor-Leste kria ne’e,  tanba dalabarak sira mai ho nivel kompetensia no  tratamentu mais avansadu.

Mezmu nune’e, HNGV nafatin esforsu atu hadi’a prestasaun servisu ba pasiente sira

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here