Eis Primeiru Ministru (PM), Rui Maria de Araújo

DILI, 25 agostu 2020 (TATOLI)-Eis Primeiru-Ministru, Rui Maria de Araújo, hateten atu kombate kazu so’e bebé iha Timor-Leste, Governu presiza kontribuisaun hosi Organizasaun Naun Govermentál (ONG) no seluk tan.

Eis ezekutivu iha Governu Konstituisaun daneen hato’o asuntu ne’e bainhira sai oradór iha semináriu ho tópiku “Konsesializa Mentalidade Foinsa’e sira nu’udar ajente transformadór no kontrolu sosiál kombate kazu Infatesidu ne’ebé organiza husi Fundasaun Alola iha Salaun Fundasaun Alola, Dili, tersa ne’e.

Notísia Relevante :SIKN Susar Identifika Autór Soe Bebé

“Ohin loron Timor-Leste hasoru problema maka kazu so’e bebé ne’ebé agora númeru aumenta barak tanba ne’e atu kombate problema sira ne’e sosiedade sivíl presiza servisu hamutuk ho Governu hodi kria kondisaun atu bele prevene kazu inafatesída iha rai laran,” dehan Rui Maria de Araújo.

Kazu infatesída ne’e akontese iha TL, dalabarak família sira la fó apoiu ba oan feto sira bainhira grave tanba mane la responsabiliza.

“Ha’u nia hanoin ema halo kazu infatesida tanba la aseita malu nia la aseita ne’e tanba dala barak nia kondisaun uma laran familía la apoiu nia, no Feto mane dalaruma lakohi asume responsabilidade hotu entaun ikus mai sira oho labarik,” tenik Doutór Timoroan ne’e.

Kazu so’e bebé ne’e fahe ba kategória tolu Neonatiside, infatisida, no Infilisida, hosi kazu tolu ne’e ida-idak ho nia konseptu ne’ebé diferente tanba Timor-Leste kazu ne’ebé akonsete la’os infatisida maibé neonatiside.

“Neonatiside mak bainhira ema oho kosok-oan ne’e hahú hosi loron moris to’o oras 24 dahuluk nian, ezemplu labarik moris hahú hosi tuku 10:00 to’o fali aban tuku 10:00.” Nia esplika.

No infatesida ne’e maka bainhira oho labarik hosi oras 24, dahuluk to’o iha tinan ida, signifika katak labarik ne’e moris mai liutiha ona oras 24, loron ida ka rua maka foin mate ka oho.

No infilisida ne’e maka oho nia oan rasik hahú hosi tinan ida ba oin, tanba ne’e mak konseptu tolu ne’ebé ita bele halo diferénsia,” Nia hatutan.

Notísia Relevante :Kazu Soe Bebé, Veterana ‘Kasihan’ Konsidera Feto Balun Goza Demais Liberdade

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here