Imajen/Hortencio Sanches

DILI, 16 jullu 2020 (TATOLI)-Adjuntu Sekretáriu Jerál Federasaun Futeból Timor-Leste (FFTL), Fredérico Martins, hateten FFTL aloka ona orsamentu hamutuk rihun $ 200 ne’ebé maka apoiu husi Federation International Football Assosiation (FIFA) hodi implementa Kopa FFTL iha fulan-agostu 2020.

Adjuntu Sekretáriu Jerál Federasaun Futeból Timor-Leste (FFTL), Frederico Martins

“Osan ba Kopa ne’e hamutuk  rihun 200, husi osan ne’e 74% investimentu direta ba klube hanesan premiu, subsídiu no rihun $ 24 aloka ba árbitru sira no buat administrasaun balun,” dehan nia ba jornalista sira iha edifísiu FFTL, Bairru Formosa, kinta ne’e.

Notísia Relevante :Klube Academica FC Prontu Kompete iha Kopa FFTL

Kopa FFTL ne’e ho objetivu atu re-ativa atividade desportu liliu futeból tanba  paradu ona durante implementasaun Estadu Emerjénsia (EE) relasiona ho surtu COVID-19.

“Premiu ba klube ne’ebé kampiaun,  primeiru lugar sei hetan $15.000, segundu lugar $ 10.000, segundu lugar $ 5000 no kuartu lugar $ 2000,”tenik tan.

Notísia Relevante :Assalam FC Preparadu Kompete iha Kopa FFTL

FFTL fó prioridade ba klube hamutuk 20 ne’ebé maka hamahan aan iha Liga Futeból Amadora (LFA).

Klube hirak ne’e mak hanesan Lalenok United FC, Karketu Dili FC, DIT FC, Boavista FC Timor, AS Ponta Leste, Assalam FC,  AD. SLB Laulara FC, Atletico Ultramar FC, Aitana FC, Portu Taibessi FC, Lika-Lika Lemorai FC, Nagardjo FC, FC Zebra, Emanuel FC, Academica FC, Santa Cruz FC, Sporting Clubo de Timor, Kablaki FC, Fitun Studante FC no FC Marca.

Notísia Relevante :FFTL Sei Loke Kopa ba Klube Divizaun Dahuluk no Daruak

Nia informa klube ualu (8) maka oras ne’e foti ona formuláriu rejistrasaun hodi partisipa iha eventu ne’e. Enkuantu klube 12 seluk seidauk foti formulariu husi komisaun organizadora.

“Prosesu rejistrasaun hahú loron 9 to’o 31 jullu 2020, agora dadaun klube ualu mak mai foti ona formulariu rejistrasaun maibé seidauk submete dokumentu, Klube ualu ne’e mak Nagardjo FC, Lika-Lika Lemorai FC, Sporting Clubo de Timor FC, Portu Taibessi FC, Emanuel FC, SLB Laulara FC, Ponta Leste FC no Assalam FC,” nia relata.

Notísia Relevante :Jogadór Brazileiru Fabio Christian Optimista Lori Lalelok FC Hetan Vitoria iha Kopa FFTL

Jogu refere tuir planu sei realiza durante fulan rua hahú agostu to’o setembru 2020.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here