Ministra Negósiu Estranjeiru no Kooperasaun, Adaljiza Albertina Xavier Reis Magno. Imajen Tatoli/Egas Cristovão

DILI, 21 agostu 2020 (TATOLI)-Ministra Negóosiu Estranjeiru no Kooperasaun (MNEK), Adaljiza Magno, sesta ne’e halo inkontru ho Prezidente Repúbliku, Francisco Guterres Lú Olo, hodi diskute kona-ba preparasaun Timor-Leste hodi adere ba Organizasaun Sudeste Aziátiku ka ASEAN.

“Ohin Prezidente Repúblika mak bolu ami hala’o inkontru ida ne’e, kona-ba ita nia preparasaun atu adere ba ASEAN nian,” dehan Governante ba jornalista sira iha Palacio do Prezidente Bairru-Pité Dili.

Notísia Relevante :ASEAN Apresia ba TL Ninia Adezaun

Iha enkontru ne’e informa mós ba Xefe Estadu kona-ba ekipa tékniku ASEAN sei hala’o avaliasaun ba preparasaun Timor-Leste iha pilár sosiu kultura iha fulan-setembru no ekonomia iha fulan-outobru via telekonferénsia.

“Adezaun ne’e nia preparasaun iha dalan klaran ona mak Prezidente Repúblika hakarak hatene loloos nia preparasaun to’o ona iha ne’ebé, ami mós hetan sujestaun balu hosi Prezidente,” nia dehan.

Prosesu preparasaun TL adere ba ASEAN ne’e lideradu husi  MNEK maibé koordena hamutuk ho liña ministeriál hotu.

“Iha pilár hotu prepara ho di’ak maibé iha pilar ekonomia buat barak mak sei presiza hadia hanesan loke an ba investimentu no diversifika ekonomia no seluk tan,” katak Govenante.

Entretantu, Timor-Leste halo preparasaun ba pilar importante haat hanesan polítika, seguransa, sosiu kultura no ekonomia hodi bele adere ba ASEAN.

Notísia Relevante :Xefe Governu Husu MNEK Haforsa Kooperasaun Bilaterál ho Membru ASEAN

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here