Treinadór Prinsipál Klube Lalenok United FC, Simón Elissetche.

DILI, 17 agostu 2020 (TATOLI)-Treinadór Prinsipál Klube Lalenok United FC, Simón Elissetche, promete sei lori ninia ekipa hodi manán klube Assalam FC, iha jogu abertura Kopa Federasaun Futeból Timor-Leste (FFTL) tinan 2020, ne’ebé sei realiza iha loron 20 fulan-agostu ne’e iha Estádiu Munisipál Dili.

“Ami prepara hahú kedan husi agostu mai ne’e, kada loron treinamentu hala’o nafatin, nune’e ami prontu kompete iha jogu ne’e,” dehan Simón ba Tatoli iha kampu Lalenok United FC Lurumata, segunda ne’e.

Treinadór ho Nasionalidade Xile ne’e hatutan jogadór sira hala’o esforsu hodi kontinua treinu nune’e bele hetan vitória iha eventu ne’e.

Kona-ba  jogadór Simón esplika : “Maioria kondisaun jogadór di’ak hotu, jogadór hamutuk 23 maibé ita rejistu 20 tuir kriteria ne’ebé FFTL hasai. Jogadór rua mak moras hanesan Allan Manzo ho Savio maibé agora rekopera ona fiar katak iha jogu hasoru Assalam sira sei joga no jogadór,  Elias Sanchez, mak agora  aleza ka “cederah”  hela,”.

Klube  Lalenok monu iha grupu A hamutuk ho klube Assalam FC, Santa Cruz FC, DIT FC no Zebra FC.

Notísia Relevante :Klube Assalam otimista sei manán Lalelok United

Entretantu, Klube Lalenok United FC iha tinan 2019 liubá sai ona vensdór primeiru divizaun Liga Futeból Amadora (LFA) époka 2019 hodi simu osan $ 15.000 no taxa.

Nune’e iha tinan 2019 klube ne’e mós sai vensedór ba Super Tasa Liga Futeból Amadora (LFA) époka  2019.

Notísia Relevante :FFTL Realiza Kopa 2020 ho Osan Rihun $ 200

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here