DILI, 12 agostu 2020 (TATOLI)-Ministériu Saúde to’o ohin seidauk finaliza prosesu inspesaun ba ambulánsia foun hamutuk 16 ne’ebé maka sosa husi nasaun Tailándia ho orsamentu rihun $ 877.

Vise Ministru Saúde, Bonifácio Maucoli, dehan ambulánsia 16 ne’e,  agora para ona iha resintu Ministériu Saúde Caicoli Dili.

”Ambulánsia 16 unidade ne’e atu distribui ba Munisípiu sira ne’ebé mak falta ambulánsia no mós bele to’o iha Sntru Saúde sira ne’ebé mak laiha,” katak Maucoli ba jornalista sira iha Armazén SAMES kampong-Alor Dili.

Notísia Relevante :Tinan Ne’e Governu Sei Sosa Ambulánsia Multi-funsaun 16

Nia dehan kada Munisípiu sei hetan ambulánsia ida ezeptu Munisípiu Baucau, Lautem no Ermera iha posibilidade hetan ambulánsia rua.

”Ami halo ona kalkulu ambulansia 16 unidade ne’e kada Munsípiu hetan ida maibé ba Munisípiu ne’ebé mak populasaun boot sei hetan rua liliu ba Munisípiu Baucau, Lautem no Ermera mak hetan rua rua maibé ba Munisípiu sira seluk inklui RAEOA ita sei distribui ida-ida,” nia hateten.

Notísia Relevante :Ambulánsia 16 to’o iha Timor-Leste

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here