Ambulánsia. Imajen: Google

DILI,05 agostu 2020 (TATOLI)-Diretór Aprovizionamentu Ministériu Saúde, Bernadino da Silva, informa ambulánsia multi-funsaun 16 ne’ebé maka Ministériu sosa antes ne’e,  to’o ona iha Timor-Leste no daudaun ne’e iha hela prosesu verifikasaun husi servisu Alfandega.

”Daudaun ne’e ambulánsia iha ona Alfandega hodi halo verifikasaun semana ida ne’e nia laran ka semana oin iha ona Ministériu Saúde para halo distribuisaun,”dehan nia ba Tatoli iha ninia servisu fatin, Caicoli Dili.

Notísia Relevante :Semana Oin, Ambulansia Multi Funsaun 16 To’o iha Dili

Ministériu Saúde sosa ambulánsia 16 ho montante orsamentu rihun  $ 877 husi totál orsamentu millaun $ 50-resin ne’ebé maka Governu aloka ba  MS husi verba COVID-19.

Tuir nia ambulánsia ne’e sei distribui ba Ospitál no Sentru Internamentu sira ne’ebé maka presiza hodi transporta pasiente sira husi área rurál mai nasionál.

”Ita nia alvu seidauk sufisiente hodi distribui ba munisípiu hotu-hotu maibé atu responde ba Sentru Internamentu no Ospitál Referál haat,” katak Bernadino.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here