Vise-Ministra Saúde, Élia António de Araújo dos Reis Amaral. Foto António Goncalves

DILI, 30 maiu 2019 (TATOLI) – Governu liuhosi Ministériu Saúde sei sosa ambulánsia multi-funsaun 16, tanba daudaun ne’e ambulánsia ne’ebé funsiona ho kondisaun hahú aat.

Vise Ministra Saúde Asuntu Saúde Primária, Élia António de Araújo dos Reis Amaral, hateten planu ne’e prevee ona iha Orsamentu Jerál Estadu (OJE) tinan ne’e.

“Loos duni Governu sei sosa ambulánsia, no daudaun ne’e iha ona prosesu konkursu, bainhira to’o mai ona maka foin koloka ba fatin ne’ebé maka prioridade liu”, Ministra Élia António de Araújo dos Reis Amaral ba TATOLI iha Palásiu Governu, ohin.

Bainhira husu kona-ba orsamentu, nia dehan seidauk define loloos montante. “Sosa ambulánsia ho multi-funsaun, tanba ambulánsia sira ne’ebé iha kleur ona, balu halo operasaun tinan hitu to’o 10, balu foin tinan tolu, maibé tanba la halo manutensaun ne’ebé di’ak maka afeta tebes ba kondisaun ambulánsia sira ne’e”, afirma Élia.

Tuir dokumentu OJE 2019 iha livru A rubrika orsamentál Ministériu Saúde nian ba kapitál menór, item sosa veíkulu prevee 664 mill dolar. Nune’e mós, diresaun nasionál ba servisu ospitál no emerjénsia ba kapitál menór, item sosa veíkulu prevee 630 mill dolar.

Jornalista: Antónia Gusmão

Editora: Rita Almeida

1 KOMENTÁRIU

  1. Sosa butuk depois at laiha manutensaun,fakar osan deit tuir lolos husik sektor privadu mak kaer nepar manutensaun lao diak,se husik ba governo sa…ne sama dengan

HAKEREK NO HATÁN

Please enter your comment!
Please enter your name here