Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (12/08). Imajen Tatoli/Egas Cristovão

DILI, 12 agostu 2020 (TATOLI)-Governu liuhosi reuniaun Konsellu Ministru (KM) rona aprezentasaun hosi Ministru Finansa, Fernando Hanjam, kona-ba projesaun ba tetu finál Orsamentu Jerál Estadu (OJE) 2020.

Ministru Prezidénsia Konsellu Ministru, Fidelis Manuel Leite Magalhães, hateten Ministériu Finansa (MF) sei halo projesaun no sei aprezenta hikas ba reuniaun KM tuir mai.

“Atu halo projesaun ba tetu finál 2020, montante hira maka Governu sei presiza, entaun Governu konsidera proposta husi MF nian, maibé Governu konkorda atu tékniku sira bele la’o ona ho figura ne’ebé mak projetada,” hateten Ministru Fidelis hafoin ramata reuniaun ezekutivu iha Palásiu Governu, kuarta ne’e.

Notísia Relevante: Governu Aprova Tetu Proposta OJE 2020 Millaun $1.492,3, Loron 15 Setembru Submete ba PN

Governu define prioridade nasionál no tetu fiskál OJE 2021

Tuir Ministru ne’e, detallu liu ba tetu ne’e semana oin maka MF sei aprezenta filafali bainhira finaliza ona proposta adisionál no redusaun sira, ne’ebé maka ministériu oioin sei hato’o no tau hamutuk, hadi’a tiha mak lori filafali mai KM hodi halo aprovasaun

Governante ne’e dehan, bainhira aprova ona maka foin hato’o montante finál tetu OJE 2020, agora ministériu sira submete hela proposta aditamentu no parte tékniku prepara atu prodúz livru orsamentu, nune’e bele submete iha 15 setembru ba Parlamentu Nasionál.

“Maski tempu limitadu tebes maibé MF halo esforsu maka’as nune’e iha fulan oin bele submete OJE 2020 no iha fulan outubru submete tán OJE 2021 nian, halo serbisu rua dala ida ne’e defísil. Aleinde ne’e siraMF halo jestaun mensál ba Dotasaun Orsamentu Temporáriu,” nia akresenta.

Antes ne’e, Governu aprova ona tetu proposta OJE 2020 ho montante millaun $1.492,2, maibé  hafoin realiza jornada orsamentál no rona rekomendasaun hosi Komisaun ba Elaborasaun Rekuperasaun Ekonómiku, iha ajustamentu ministériu sira tanba ne’e proposta ne’ebé iha ona sei iha mudansa.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here